Monday, May 6, 2013

كفاية حاجات

اتعودت أقعد علي كافية وادفع قد كده في فنجان قهوة وحاجة كده شبة الكيك واسيب بقشيش كمان..مع اني ممكن اعمل الحاجات ديه في البيت وبتبقي أحلي.وممكن تقعد شهر في التلاجة وبتكلفة اقل من اللي دفعته..
بس احنا اتعودنا علي ان في حاجات معينة نتكمل بيها..
اتعودت البس من محلات معينة..وكمان اتريق -بس عشان انا بقيت كويسة شوية-بقيت اتريق في سري..علي اللي بيلبس مصري..لازم أم الماركة..
لازم يكون الموبايل بشكل معين..
الساعة..
الفُسح في اماكن معينة..ولازم الكل يعرف..
اشتري لبس مش عشان انا محتاجة..لأ..عشان عاوزة أجيب لبس..
"أنا كلما اشتهيت اشتريت"
أكل مالي التلاجة بالهبل..
خزين يكفي كتير قوي..
مش عارفة ان بنخزن ايه لإيه؟؟
وليه تَقِلنا الدنيا قوي كده..
الضروريات اصلا بقت كتير كتير قوي..ليه المنظرة؟؟
مفسي أكون مليانة باشياءأكتر من انها تكون بس مادية..لبس واكل وخروج و الخ الخ
نفسي اصلا تكون دي آخر حاجات اهتم بيه.
مش عايزة اتصوف..بس نفسي احس ان فعلا مش هاخد حاجة معايا..
نفسي أعيش كده..بما فقط أحتاجه..لا ما أريده..

2 comments:

Anonymous said...

اللكتابه شيء رائع لايقدر بثمن انها عصارة الروح وحصيلة الفكر وضوء النهار لظلام الليل استمري ان التوقف عن الكتابه يعني التوقف عن الحياه الامام السيوطي اعتزل الناس وتصوف لنه في ظلال ذالك كتب كتبتا لاتزال الي اليوم منارة التاريخ شاع

Anonymous said...

يادكتوره لعلك بخير اساال الله ان يكرمكم ويسعدكم فلقد علمتمونا الكثير شاعر الاستقبال

Post a Comment